झी टॉकीजची आषाढी वारी सुरू – १८ जूनपासून भक्तीचा गजर घराघरात!

विठ्ठल झाला तयार…..........वारीसाठी!

झी टॉकीजची आषाढी वारी सुरू – १८ जूनपासून भक्तीचा गजर घराघरात!

वारी म्हणजे चालणं नव्हे, ती म्हणजे भावना. पंढरपूरच्या रस्त्यांवर लाखोंच्या पावलांचा नाद, मातीचा गंध, आणि विठोबाच्या नावानं मन भरून येणारा प्रत्येक क्षण… पण सगळ्यांना ती चालता येतेच असं नाही. कधी तब्येत, कधी जबाबदाऱ्या, तर कधी वय — पंढरपूर दूर राहतं.

म्हणूनच यंदा झी टॉकीजने घेतलेली ही सुंदर शपथ – "ज्यांना चालता येत नाही, त्यांच्यासाठी वारी घरी यावी!"
...आणि म्हणूनच विठ्ठल झाला तयार… वारीसाठी!

१८ जूनपासून ते ६ जुलै एकादशीपर्यंत, ‘आषाढी वारी २०२५’ हा भक्तिपूर्ण सोहळा झी टॉकीजवर साजरा होणार आहे – आपल्या घरच्या टीव्हीवर!

यंदाची वारी का खास आहे?

·       संत ज्ञानेश्वर माऊलींच्या ७५०व्या जयंतीवर्षात होणारी ही वारी

·       पहिल्यांदाच थेट प्रक्षेपित होणारी ‘चंद्रभागेची आरती’

·       १२ फूट उंच विठ्ठल-रुक्मिणी मूर्ती – पंढरपूरची अनुभूती, घराघरात!

·       हँडलूमवर पारंपरिक वस्त्र विणणारे भाविक आणि कीर्तनकारांची सजीव सादरीकरणं

टीव्हीवर अनुभवता येणार भक्तीमय सोहळा:

प्रत्येक पहाटे – थेट काकड आरती
दिवसभर – गजर कीर्तनाचा, ‘मन मंदिरा’, ‘चाल गं सखे पंढरीला’सारखे भावस्पर्शी कार्यक्रम
पंढरपूरच्या रस्त्यांवर उभं राहिलेलं झी टॉकीजचं भक्ती अनुभव केंद्र

झी टॉकीजचे बवेश जानवलेकर म्हणतात:

"वारी ही केवळ चालणं नाही, ती श्रद्धा आहे, संस्कृती आहे.
आम्ही ती दाखवत नाही, आम्ही ती पोहोचवत आहोत – थेट तुमच्या मनात."

तयार व्हा – कारण यंदा वारी तुमच्याच दारी येतेय!

१८ जून ते ६ जुलै – दररोज सकाळपासून रात्रीपर्यंत फक्त झी टॉकीजवर.
विठ्ठल झाला तयार… आणि वारीही!
वारीचा गजर… आता तुमच्याच घरात!