एअरटेल आणि नोकिया यांनी केला बहु-वर्षी करार

नेटवर्कची क्षमता आणि ग्राहकांच्या अनुभवाला चालना देण्यासाठी एअरटेल आणि नोकिया यांनी केला बहु-वर्षी करार

मुंबई - नोकिया आणि भारती एअरटेलने (“एअरटेल”) आज भारतात 9 सर्कल  मध्ये नोकियाचा एसआरएएन (SRAN) सोल्यूशन तैनात करण्यासाठी  एक बहु-वर्षी करार केला

 नोकियाचा एसआरएएन (SRAN) सोल्यूशन एअरटेलला विशेषत: 4 जी नेटवर्कची क्षमता वाढविण्यास मदत करण्यास व ग्राहकांचा अनुभव सुधारण्यास मदत होईल.

 या रोलआऊटमध्ये भविष्यात 5 जी कनेक्टिव्हिटी देण्यासाठी पायाभूत सुविधा उपलब्ध आहेत. यामध्ये 900 मेगाहर्ट्झ, 1800 मेगाहर्ट्झ, 2100 मेगाहर्टझ आणि 2300 मेगाहर्ट्झसह अनेक स्पेक्ट्रम बँडवर तैनात अंदाजे 300,000 रेडिओ युनिट दिसतील आणि 2022 साला पर्यंत ते पूर्ण होण्याची अपेक्षा आहे.

हे नोकियाने पुरवलेले नेटवर्क एअरटेलला कमी विलंब आणि वेगवान गतीने, देशभरात 5 जी नेटवर्क सुरू करताना सर्वोत्कृष्ट संभाव्य व्यासपीठ देईल.

 नेटवर्क गती, नेटवर्क विश्वसनीयता आणि डेटा कामगिरीच्या दृष्टीने स्वतंत्र नेटवर्क परफॉरमन्स टेस्टिंग कंपनी, रूटमेट्रिक्स 3 ने नोकियाला

एलटीईमध्ये मार्केट लीडर म्हणून मान्यता दिली.

भारती एअरटेलचे एमडी आणि मुख्य कार्यकारी अधिकारी (भारत आणि दक्षिण आशिया) गोपाल विठ्ठल म्हणाले,  “एअरटेलने अनेक जागतिक तज्ञांच्या अभ्यासात नेटवर्क कामगिरीच्या चार्टमध्ये सातत्याने अव्वल स्थान मिळवले आहे. आमच्या ग्राहकांना उत्कृष्ट-दर्जाचा अनुभव देण्यासाठी आम्ही सतत उदयोन्मुख नेटवर्क तंत्रज्ञानामध्ये गुंतवणूक करण्यास वचनबद्ध आहोत. नोकियाबरोबरचा हा उपक्रम या दिशेने एक प्रमुख पाऊल आहे. आम्ही नोकियाबरोबर  एका दशकापेक्षा अधिक काळ कार्यरत आहोत आणि 5 जी युगाची तयारी करत असताना आमच्या नेटवर्कची क्षमता आणि कव्हरेज सुधारण्यासाठी आम्ही नोकियाची एसआरएएन उत्पादने वापरण्यास आनंदित आहोत. ”

नोकियाचे अध्यक्ष व मुख्य कार्यकारी अधिकारी राजीव सूरी यांनी हया बद्धल सांगितले; “जगातील सर्वात मोठ्या टेलिकॉम बाजारपेठांमधील कनेक्टिव्हिटीच्या भविष्यासाठी हा   एक महत्त्वपूर्ण करार आहे आणि भारता मध्ये आमची  स्थिती भक्कम करत आहे.

आम्ही भारती एअरटेलबरोबर बर्‍याच वर्षांपासून जवळून काम केले आहे आणि ही दीर्घकालीन भागीदारी आणखी पुढे  वाढत असल्यामुळे आम्हाला आनंद होत आहे. हा प्रकल्प त्यांच्या सध्याच्या नेटवर्कमध्ये वाढ करेल आणि एअरटेल ग्राहकांना सर्वोत्कृष्ट दर्जाची कनेक्टिव्हिटी प्रदान करेल .