नितीन वैद्य प्रॉडक्शन्स प्रस्तुत, मृदगंध फिल्म्स एलएलपी निर्मित 'अलीबाबा आणि 'चाळिशी'तले चोर' नुकताच प्रदर्शित झाला असून प्रेक्षक त्यावर भरभरून प्रेम करत आहेत. चित्रपटाच्या यशाचा आनंद साजरा करत असतानाच या चित्रपटाच्या पायसरीबाबतची बातमी समोर आली आहे. चित्रपटाच्या संपूर्ण टीमकडून प्रेक्षकांना असे आवाहन करण्यात आले आहे की, आम्ही हे चित्रपट प्रेक्षकांसाठीच बनवतो. त्यामुळे कृपया चित्रपट सिनेमागृहात जाऊनच पाहा. एक कलाकृती सादर करण्यासाठी त्यामागे शेकडो लोकं काम करतात. मेहनत घेतात. अनेकांची घरे यावर चालतात आणि पायरसीमुळे सगळीच आर्थिक गणिते बिघडतात आणि याचा फटका सगळ्यांनाच बसतो. तसेच प्रेक्षकांनाही चित्रपटाचा खरा आनंद मिळत नाही. याबाबत चित्रपटातील सर्व कलाकारांनी सोशल मीडियाच्या माध्यमातून नाराजी व्यक्त केली आहे. त्यामुळे प्रेक्षकांना नम्र विनंती आहे, पायरसी केलेली चित्रफित बघणे टाळा आणि चित्रपटगृहात जाऊनच चित्रपटाचा आनंद घ्या.
कोल्हापूर फिल्म कंपनी 'विठ्ठल दर्शन' अभिनेते जितेंद्र जोशी सादरीकरण करणार
आषाढी एकादशीला वारक-यांसाठी आगळंवेगळं ‘ विठ्ठल दर्शन ’..! विठ्ठल भक्तांचा श्वास आणि ध्यास असणारी पंढरीची पायी वारी कोरोनामुळे यावर्षी थांबवावी लागली. विठ्ठला,जीवात जीव असेपर्यंत दरवर्षी पायी वारी करत तुझ्या दर्शनाला येईन असा विठ्ठलाला शब्द दिलेल्या वारकऱ्यांच्या काळजाचा जणू ठोकाच चुकला. या आषाढीला चंद्रभागेच्या तीरी झेंडा पताका फडकणार नाहीत, हरिनामाचा जयघोष होणार नाही, रिंगण होणार नाही, वारकऱ्यांना विठू माऊलीचं दर्शन घेता येणार नाही. याची देही याची डोळा विठ्ठलरूप मनात साठवता येणार नाही. धांवोनियां आलो पहावया मुख । गेले माझे दुःख जन्मांतरिंचे ॥ ऐकिले ही होते तैसे चि पाहिले । मन स्थिरावले तुझ्या पायी॥ तासनतास दर्शन रांगेत उभं राहून माऊलीचं दर्शन घेऊन मुक्ती अनुभवणारे आपले वारकरी. यावर्षी मात्र विठ्ठलाच्या वारकऱ्यांसाठीची आनंदाची पर्वणी अर्थात वारी आळंदीहून निघाली नाही. विठ्ठल भेटीची आस लागलेल्या तमाम विठ्ठल भक्तांसाठी काही करता येईल का असा विचार करत आषाढी एकादशी दिवशी लाखो वारकऱ्यांसाठी सचिन बाळासाहेब सुर्यवंशी यांचं लिखाण असलेलं विठ्ठलाचं एक आगळंवेगळं 'दर्शन' अभिनेते...
Comments
Post a Comment