'हृदयी प्रीत जागते' ही मालिका माझ्यासाठी खूप जवळची....
'हृदयी प्रीत जागते' ही मालिका माझ्यासाठी खूप जवळची आहे आणि संगीत हे एक कारण आहे: पंकज विष्णू
झी मराठीवर 'हृदयी प्रीत जागते’ ही मालिका ७ नोव्हेंबरपासून रात्री ८ वा. प्रेक्षकांच्या भेटीला आली आहे.ह्या मालिकेत अभिनेता पंकज विष्णू आपल्याला मनोहर मामाच्या भूमिकेत दिसतोय. पंकज गेले अनेक वर्षे मनोरंजन विश्वात काम करतोय, जवळपास ६ - ७ वर्षे झी टीव्हीसाठी पवित्र रिश्ता या मालिकेत काम केले आणि ती मालिका खूप गाजली. या मालिकेबद्दल व आपल्या प्रवासा बद्दल बोलताना पंकज म्हणाला की, मनोहरने त्याच्या मागील आयुष्यात खूप काही सहन केले आहे, आणि त्याच्या आत खूप भावना दडवून ठेवल्या आहेत, मनोहरने आपल्या आयुष्यात खूप तडजोड केली आहे. या मालिकेत जशी प्रभास आणि वीणाची प्रेमकथा तुम्ही अनुभवणार आहात त्याच प्रमाणे मनोहरची देखील स्वतःची छुपी प्रेमकहाणी आहे, जी आपण पुढे पाहणार आहोत. त्यामुळे या मालिकेत मनोहरच्याही वेगवेगळ्या छटा प्रेक्षकांना पाहायला मिळतील. या मालिकेत बरेच ट्विस्ट आणि टर्न आपण पुढे पाहणार आहोत. प्रेक्षकांसाठी ही प्रेम कथा खूपच भावेल याची मला खात्री आहे आणि प्रेक्षक नक्कीच त्यांच्या प्रेमाचा वर्षाव करतील.
Comments
Post a Comment