कोल्हापूर फिल्म कंपनी 'विठ्ठल दर्शन' अभिनेते जितेंद्र जोशी सादरीकरण करणार

 

नेटाफिमचे पाठबळ असलेल्या नाफाने ५० दशलक्ष अमेरिकन डॉलर इक्विटी आणि ईसीबी द्वारे उभारले

 

नेटाफिम अॅग्रिकल्चरल फायनान्सिंग एजन्सी प्रा. लि. (नाफा) या कृषीभिमुख असलेल्या एनबीएफसी आणि नेटाफिम सिंगापूरची उपकंपनी असलेल्या कंपनीने फिनिक्स ग्रुप आणि कॉगिटो कॅपिटल या दोन इस्राईल स्थित गुंतवणूकदारांकडून एक्सटर्नल कमर्शियल बॉरोविंग्स च्या (ईसीबी) माध्यमातून ४० दशलक्ष अमेरिकन डॉलरची गुंतवणूक आणली आहे. व्यवसाय वृद्धी, सुधारीत ऑफरिंग्ज आणि कृषी-ग्रामीण क्षेत्रात व्यवसाय विस्तारण्यास या निधीचा उपयोग करण्यात येणार आहे. कंपनी यशस्वीपणे आपल्या मार्जिनमध्ये सुधारणा करेल कारण या निधीतून कर्जांची परतफेड करण्यात येईल.

 

या व्यवहाराने नाफामध्ये नव्याने इक्विटीची भर घालण्यात आली आहे. कंपनीने नुकतेच नेटाफिम सिंगापूरकडून ९.४ दशलक्ष अमेरिकन डॉलरचे श्रेणी १ भांडवल उभे केले आहे. तसेच सुरवातीचे गुंतवणूकदार आत्माराम प्रॉपर्टीज अँड ग्रॅनाइट हिल फंड यांच्या गुंतवणुकीची फरतफेड केली आहे. फिनिक्स ग्रुप आणि कॉगिटो कॅपिटल यांनी नेटाफिम सिंगापूरमधील हिस्सा संपादित करून भारतातील आणि नाफामधील पहिली गुंतवणूक केली आहे.

 

आरबीआयकडून २०१३ साली एनबीएफसी लायसन्स संपादित करून नाफाने ८ राज्यांमध्ये आपले अस्तित्व निर्माण केले आहे. नाफाने १०,००० पेक्षा जास्त ग्राहकांना १००० पेक्षा जास्त कोटींची कर्जे वितरित केली आहेत. या ग्राहकांपैकी ६०% हून अधिक हे छोटे शेतकरी आहेत. कंपनीची आता ग्राहकांच्या दीर्घकालीन वित्तसंबंधी गरजा पुरवण्यासाठी आपले नेटवर्क व विविध संबंधित क्षेत्रात विस्तार करण्याची महत्त्वाकांक्षा आहे.

 

नेटाफिमचे सीएफओ लॉरी ए. हॅनोव्हर या संबंधी प्रतिक्रिया देताना म्हणाल्या, “कोव्हिड परिस्थितीत भारत आत्मनिर्भर होऊ पाहत आहे. भारताचा भर कृषी-ग्रामीण अर्थव्यवस्था आणि त्याच्या वेगाने होणाऱ्या आधुनिकीकरणावर आहे. हे क्षेत्र अजूनही खूप असंगठित आहे. औपचारिक वित्त संस्थांकडून कृषी क्षेत्रातील कर्जाची मागणी पूर्ण होण्याचे प्रमाण खूप कमी असते. नेटाफिम ठिबक सिंचनाचे इनोव्हेटर आणि प्रिसिजन सिंचन पद्धतीत  जागतिक पातळीवर अग्रेसर आहेत आणि जगभरातील ग्राहकांना ५७ वर्षांहून अधिक काळापासून सेवा पुरवत आहेत. नाफामध्ये इक्विटीची भर घातल्यामुळे, शेतीमध्ये प्रिसिजन सिंचन आणि ऑटोमेशन सोल्युशन्स स्वीकारण्यासाठी ग्राहकांना मदत करण्याच्या आमच्या मूळ संकल्पनेशी सुसंगत आहे. या  इक्विटी मुळे नाफाला त्यांच्या भांडवल पर्याप्ततेला बळकटी आणण्यासाठी आणि बाजारातील त्यांचे अस्तित्व विस्तारण्यासाठी मदत होईल. भारतात आणि नाफामध्ये प्रथमच गुंतवणूक करण्यासाठी फिनिक्स ग्रुप आणि कॉगिटो कॅपिटलशी भागीदारी करताना आम्हाला अत्यंत आनंद होत आहे.

 

कंपनीच्या योजनांबद्दल विस्तृत माहिती देताना नेटाफिम अॅग्रिकल्चरल फायनान्सिंग एजन्सी प्रा. लि.चे सीईओ प्रभात चतुर्वेदी म्हणाले, “भारतीय शेती सामान्यपणे अल्प आणि अनिश्चित उत्पन्न देणारे क्षेत्र समजले जाते कारण या क्षेत्राला नैसर्गिक आपत्तीचे आणि इतरही अनेक प्रकारचे धोके असतात. त्यामुळे कृषी क्षेत्राला वित्त पुरविण्याची कायम गरज असते. विशेष व हवामान पूरक आधुनिक कृषी तंत्रज्ञानाच्या आगमनामुळे दर्जेदार वित्त योजनांची मागणी अजून वाढली आहे. विविध प्रकारची आर्थिक माध्यमे असूनही शेतकऱ्यांच्या खास गरजांची पूर्तता करणारी पुरेशी वित्तसहाय्य उत्पादने उपलब्ध नाहीत. परिणामी, कर्जाची मागणी व पुरवठा यात मोठी तफावत निर्माण झाली आहे. विविध प्रकारच्या कर्ज योजनांची आवश्यकता आहे, त्यासोबतच यासाठी पुरेसे मार्गदर्शनही गरजेचे आहे, जेणेकरून भारतातील शेतकऱ्यांना कृषी व त्याच्याशी संलग्न क्षेत्रांमध्ये गुंतवणूक वाढवता येईल.

 

नाफा गेल्या दशकभरापासून या क्षेत्राला सेवा प्रदान करत आहे, ग्राहकांच्या गरजा समजून घेत आहे आणि त्यांना योग्य वित्त सहाय्य करत आहे. या गुंतवणुकीने नाफा आपला कर्ज वितरण पोर्टफोलियो व सूक्ष्म-सिंचना बरोबर इतर कृषी-ग्रामीण क्षेत्रात विस्तार करेल. आम्ही आमच्या प्रगती बाबत ठाम आहोत. तसेच कृषी व संलग्न क्षेत्रांच्या भांडवल गरजा पुरविण्यासाठी आम्ही उत्सुक आहोत. या भांडवलामुळे आमचे बाजारात स्थान अधिक बळकट होईल आणि अधिक व्यापकतेने समाजापर्यंत पोहोचण्यास मदत होईल.”

 

कॉगिटो कॅपिलचे व्यवस्थापकीय भागीदार गाय झुकिन म्हणाले, “नाफाला ग्रोथ कॅपिटल उपलब्ध करून देण्यासाठी नेटाफिम (सिंचन क्षेत्रातील पायोनियर व जागतिक पातळीवर आघाडीवर असलेले) आणि फिनिक्स इन्श्युरन्स (इस्राईलमधील एक आघाडीची विमा कंपनी) यांच्याशी सहयोग करताना कॉजिटो अत्यंत उत्साही आहेत. भारतीय कृषी एनबीएफसी बाजारपेठेत आमच्या भागीदारांसह नाफाच्या सातत्यपूर्ण प्रवासात त्यांना सहकार्य करण्यासाठी आम्ही अत्यंत उत्सुक आहोत. ही गुंतवणूक कॉजिटोच्या, भक्कम भागीदारांसोबत गुंतवणूक करणे, वेगवान प्रगती व समायोजित जोखीम संधी ह्या धोरणांशी सुसंगत आहे.”

 

फिनिक्स ग्रुपचे हेड ऑफ डायरेक्ट अँड इन्फ्रास्ट्रक्चर इन्वेस्ट्मेन्ट्स, ओफर अविरन म्हणाले, “नाफा कंपनीत नेटाफिम आणि कॉजिटो यांच्यासोबत गुंतवणूक केल्याचा आम्हाला अभिमान आहे. उदयोन्मुख बाजारपेठेत नेटाफिमचे असलेले ठळक अस्तित्व आणि कृषी पायाभूत विकास आणि खाद्य निर्मिती मधील व्यावसायिकता यामुळे सर्व संबंधितांच्या लाभासाठी सातत्यपूर्ण सहयोगासाठी एक महत्वाचे माध्यम आहे. मी नेटाफिमच्या सीएफओ लॉरी हॅनोव्हर यांना धन्यवाद देतो. त्यांच्या दूरदृष्टीशिवाय ही थोडीसी अवघड गुंतवणूक पूर्ण होणे शक्य नव्हते.”