फ्यूजन क्लासरुम एड्युटेक लिमिटेडचा आयपीओ शुक्रवार, 31 जुलै 2026

फ्यूजन क्लासरुम एड्युटेक लिमिटेडचा आयपीओ शुक्रवार, 31 जुलै 2026 रोजी खुलणार; प्रति इक्विटी शेअर (दर्शनी मूल्य ₹10) किंमत पट्टा ₹151 ते ₹159 निश्चित

(Dhumil Javeri CEO, Alka Javeri Co Founder and Dhruv Javeri MD Fusion Klassroom Edutech Limited)

ठळक मुद्दे 

• 24,55,200 पर्यंतच्या इक्विटी शेअर्सचा प्रारंभिक सार्वजनिक समभाग विक्री प्रस्ताव (IPO). 

• प्रति इक्विटी शेअर किंमत पट्टा ₹151 ते ₹159. 

• किमान बोली आकार (Bid Lot) 1,600 इक्विटी शेअर्स असून त्यानंतर 800 इक्विटी शेअर्सच्या पटीत अर्ज करता येईल. 

• अँकर गुंतवणूकदारांसाठी इश्यू 30 जुलै 2026 रोजी खुला होईल. 

• इश्यू 31 जुलै 2026 रोजी खुला होईल आणि 4 ऑगस्ट 2026 रोजी बंद होईल. 

• फ्लोअर प्राइस हा इक्विटी शेअरच्या दर्शनी मूल्याच्या 15.10 पट असून, कॅप प्राइस हा दर्शनी मूल्याच्या 15.90 पट आहे. 

मुंबई, जुलै 23,2026:- फ्यूजन क्लासरूम एड्युटेक लिमिटेड ("कंपनी"), ही भारतातील वेगाने विकसित होत असलेल्या हायब्रिड एडटेक प्लॅटफॉर्मपैकी एक असून K-12 शिक्षण, स्पर्धा परीक्षांची तयारी, व्यावसायिक कौशल्यवृद्धी (Professional Upskilling) तसेच AI/ML शिक्षण उपाय (Learning Solutions) प्रदान करते. कंपनीने आपल्या प्रारंभिक सार्वजनिक समभाग विक्री प्रस्ताव (IPO)ची घोषणा केली आहे. हा आयपीओ शुक्रवार, 31 जुलै 2026 रोजी खुला होईल आणि मंगळवार, 4 ऑगस्ट 2026 रोजी बंद होईल. अँकर गुंतवणूकदारांसाठी बोली/इश्यू कालावधी गुरुवार, 30 जुलै 2026 रोजी सुरू होईल, जो आयपीओ खुलण्याच्या एक कामकाजाच्या दिवस आधी असेल.

या प्रारंभिक सार्वजनिक समभाग विक्री प्रस्तावामध्ये 19,89,400 पर्यंतच्या नवीन (Fresh Issue) इक्विटी शेअर्सचा तसेच 4,65,800 पर्यंतच्या इक्विटी शेअर्सच्या ऑफर फॉर सेल (Offer for Sale – OFS) चा समावेश आहे. अशा प्रकारे, प्रत्येकी ₹10 दर्शनी मूल्याचे एकूण 24,55,200 इक्विटी शेअर्स या इश्यूद्वारे ऑफर करण्यात येणार आहेत. प्राइस बँड, किमान बोली आकार (Minimum Bid Lot) आणि इश्यूचा अंतिम आकार, सेबी (SEBI)च्या नियमांनुसार इश्यू खुलण्यापूर्वी जाहीर करण्यात येईल.

इश्यूमधून प्राप्त होणाऱ्या नेट प्रोसीड्स (Net Proceeds) चा उपयोग कंपनीने घेतलेल्या काही प्रलंबित कर्जांचे पूर्ण किंवा अंशतः पूर्वपरतफेड/परतफेड, तंत्रज्ञान व AI/ML मॉडेल विकास, सर्व्हर्स आणि क्लाउड इन्फ्रास्ट्रक्चरवरील खर्च, कंटेंट डेव्हलपमेंटसाठी भांडवली खर्च, नव्या ऑफलाइन केंद्रांतील AI/ML प्रयोगशाळांसाठी डेस्कटॉप आणि लॅपटॉप खरेदीसाठी भांडवली खर्च, मार्केटिंग उपक्रमांवरील खर्च तसेच अनोळखी अधिग्रहणांद्वारे (Unidentified Acquisitions) अजैविक (Inorganic) वाढ आणि सामान्य कॉर्पोरेट उद्दिष्टांसाठी केला जाणार आहे (एकत्रितपणे "ऑब्जेक्ट्स" म्हणून उल्लेख).

या इश्यूसाठी नार्नोलिया फायनान्शियल सर्व्हिसेस लिमिटेड हे बुक रनिंग लीड मॅनेजर असून माशितला सिक्युरिटीज प्रायव्हेट लिमिटेड हे इश्यूचे रजिस्ट्रार आहेत. कंपनीचे इक्विटी शेअर्स BSE SME प्लॅटफॉर्म वर सूचीबद्ध (लिस्ट) करण्याचा प्रस्ताव आहे.

फ्यूजन क्लासरूम एड्युटेक लिमिटेड विषयी

2016 मध्ये स्थापन झालेली फ्यूजन क्लासरूम एड्युटेक लिमिटेड ही एक एडटेक कंपनी असून ती संपूर्ण भारतात शैक्षणिक शिक्षण, लर्निंग आणि कौशल्य प्रशिक्षण प्रदान करण्यावर लक्ष केंद्रित करते. कंपनी आपल्या Klassroom Education OTT प्लॅटफॉर्मद्वारे ऑनलाइन शिक्षण तसेच मुंबईतील 30 हून अधिक भागीदार केंद्रांद्वारे ऑफलाइन शिक्षण आणि कौशल्य विकास कार्यक्रम राबवते. याशिवाय, कंपनी शैक्षणिक संस्था, विद्यापीठे आणि सरकारी संस्थांसोबत भागीदारी करून शैक्षणिक कार्यक्रम, स्पर्धा परीक्षा तयारी, नवयुगीन कौशल्य विकास (New-age Skilling) आणि रोजगाराभिमुख उपक्रम राबवते.

कंपनी आपल्या डिजिटल प्लॅटफॉर्मद्वारे वैयक्तिक विद्यार्थ्यांना सेवा पुरवते. त्याचबरोबर, ती शैक्षणिक संस्था, विद्यापीठे, उद्योग (Enterprises) आणि सरकारी संस्थांसोबत एंटरप्राइज OTT सबस्क्रिप्शन, कंटेंट डेव्हलपमेंट, ऑफलाइन प्रशिक्षण तसेच शैक्षणिक आणि कौशल्य विकासासाठी AI आणि ML प्रयोगशाळा उभारण्यासाठी भागीदारी करते. कंपनीचे विविधीकृत व्यवसाय मॉडेल सबस्क्रिप्शन-आधारित सेवा, संस्थात्मक भागीदारी आणि सरकारी प्रकल्प यांचे संयोजन असून, गुणवत्तापूर्ण शिक्षणासाठी एक स्केलेबल आणि अँसेट-लाइट प्लॅटफॉर्म तयार करते.

फ्यूजन क्लासरूमकडे 6 लाखांहून अधिक नोंदणीकृत वापरकर्ते, 2 लाखांहून अधिक पेड सबस्क्राइबर्स आहेत. कंपनीकडे 100 हून अधिक अभ्यासक्रमांचा समावेश असलेली लायब्ररी असून त्यामध्ये 3,300 तासांहून अधिकचे मालकी हक्काचे (Proprietary) डिजिटल लर्निंग कंटेंट उपलब्ध आहे. शिक्षणाचे परिणाम अधिक प्रभावी करण्यासाठी आणि भारतभरातील विद्यार्थ्यांची रोजगारक्षमता वाढवण्यासाठी कंपनी AI-सक्षम शिक्षण तंत्रज्ञान, बहुभाषिक कंटेंट, नवीन ऑफलाइन शिक्षण केंद्रे तसेच AI आणि ML प्रयोगशाळांमध्ये सातत्याने गुंतवणूक करत आहे.