अम्मा

 अम्माचे अमृत गंगा  आता येत आहे हिंदीत

मुंबई, 25 ऑगस्ट 2020: श्री. माता अम्रितानंदमयी देवी (अम्मा) ह्यांचे ‘सत्संग’ आता भाविकांना दूरचित्रवाणीवर पाहण्यासाठी उपलब्ध होणार आहे.  'अमृत गंगा'नावाचा ‘सत्संग’ हिंदी भाषेत डब केला आहे  आणि त्यामध्ये जगभरातील अम्माच्या दौ-यांतील काही क्षणांचा आणि  ‘भजन’ या भावपूर्ण प्रस्तुतीकरणाचा समावेश आहे. 20 मिनिटांच्या कालावधीतील अम्माचा सत्संग आता शनिवारी रात्री 10 वाजता आस्था चॅनेलवर, रविवारी सकाळी 6.30 वाजता स्टार भारत आणि रविवारी सकाळी 8 वाजता दिव्य वाहिनीवर पाहता येईल.

अम्माचे मुख्य शिष्य स्वामी अम्रितास्वरूपानंद पुरी म्हणतात, “अम्मा सर्व राष्ट्र, भाषा आणि संस्कृतींशी परिपूर्ण संवाद साधण्यास सक्षम आहे कारण त्यांची खरी भाषा मल्याळम नसून एक सार्वभौमिक आहे .अम्मा प्रेमाच्या भाषेतून संवाद साधण्यास सक्षम आहे कारण ती लोकांची अंतःकरणे समजून घेते. त्यांचे खोलवर बसलेले दु: ख, त्यांच्या लपवलेल्या वेदना आणि सर्वात महत्त्वाचे म्हणजे, त्याची ह्रदये कायमची कशी बरे करावी हे देखील तिला माहित आहे. अम्माचे बिनशर्त प्रेम आणि त्यांची मिठी आईच्या मिठीच्या रूपात असते. अम्माने आता पर्यत 4 कोटी लोकांना मिठी मारली आहे आणि त्यांना 'द हगिंग सेंट' म्हणून ओळखले जाते. अम्मा मागील 32 वर्षांपासून जगभर फिरत आहे. अम्माचा आश्रम (माता अमृतानंदमयी मठ) आणि त्याची केंद्रे जगभरात अस्तित्त्वात आहेत.