राम जाधव यांच्या निधनामुळे प्रयोगशील व कृतीशील नाट्यकर्मीना आपण मुकलो --- अमित विलासराव देशमुख
लातूर, दि. ३० नोव्हेंबर: नाटक हाच जीवनाचा केंद्रबिंदू मानणाऱ्या ज्येष्ठ रंगकर्मी राम जाधव यांच्या निधनाने नाट्य क्षेत्रामध्ये मोठी पोकळी निर्माण झाल्याचे सांस्कृतिक कार्य मंत्री अमित देशमुख यांनी शोकसंदेशात म्हटले आहे.
"अकोल्यासारख्या छोट्या शहरात राहून व रेल्वेतील नोकरी सांभाळून रामभाऊंनी अखेरच्या श्वासापर्यंत नाट्य क्षेत्राची सेवा केली. नाट्यकर्मी ते नाट्यसंमेलन अध्यक्ष असा त्यांचा प्रेरणादायी प्रवास होता. राज्य नाट्य स्पर्धेत आधी स्पर्धक व नंतर परीक्षक म्हणून त्यांचे अनेक वर्षे योगदान होते. त्यांच्या निधनामुळे प्रयोगशील व कृतीशील नाट्यकर्मीना आपण मुकलो आहोत", असेही देशमुख यांनी आपल्या शोकसंदेशात म्हटले आहे.
Comments
Post a Comment