महानगर गॅस लिमिटेड..
महानगर गँस लिमिटेडचे डिजिटायझेशनच्या दिशेने आणखी एक मोठे पाऊल
१९ जुलै २०२३, मुंबई - महानगर गॅस लिमिटेड (एमजीएल), भारतातील सर्वांत मोठ्या शहरी वायु वितरण कंपन्यांपैकी एक असून, तिच्या सीएनजी आणि पीएनजी ग्राहकांकरिता वापरण्यासाठी सोपे आणि सहज उपलब्ध असणारे डिजिटल पर्याय सादर करून स्वत:ची डिजिटल छाप मोठी करत आहे. एका नव्या युझर-फ्रेंडली वेबसाइटबरोबरच, एमजीएलने त्याच्या नूतनीकृत एमजीएल कनेक्ट ॲपवर सेल्फ मीटर रीडिंगचा पर्याय सुरु केला आहे आणि ग्राहकास तत्काळ साहाय्य करण्यासाठी व्हॉट्सॲप चॅटबॉट सुरु केला आहे. अलीकडेच, कंपनीने बेस्टशी सहयोग साधून एमजीएल तेज ही सेवा सुरु केली आहे, जी वापरुन चार चाकी सीएनजी वाहनांना त्यांच्या वाहनांमध्ये इंधन भरुन घेण्यासाठी ठराविक वेळा आरक्षित करता येतात. ही सेवा निवडक बेस्ट बस आगारांमध्ये खास त्यांच्यासाठी पुरवण्यात येणाऱ्या सीएनजी केंद्रामध्ये उपलब्ध असते.
एमजीएल कनेक्ट: एमजीएल कनेक्ट ॲपची सर्वांत नवी आवृत्ती ॲप वापरणाऱ्यांना त्यांच्या पीएनजी जोडणीचे, बिलिंगचे आणि इतर माहितीचे व्यवस्थापन करु देते. ह्या ॲपमधून ग्राहक त्यांच्या मीटरचा फोटो काढून त्यांचे बिल प्रत्यक्ष उपभोगानुसार तयार करुन घेऊ शकतात आणि तत्काळ त्याचे पैसे भरु शकतात.
हरित मोहीम: ह्या हरित मोहिमेला चालना देऊन कागदाचा वापर कमी करण्यासाठी, एमजीएलने आपल्या सर्व पीएनजी ग्राहकांसाठी ई-बिलाचा पर्याय सुरु केला आहे, जो चालू करण्यासाठी ग्राहकाला फक्त आपल्या नोंदणीकृत मोबाईल क्रमांकावरुन एक एसएमएस पाठवावा लागतो.
व्हॉट्सॲप सेवा: एमजीएलने नव्याने सुरु केलेल्या व्हॉट्सॲप सेवेमुळे ग्राहक सेवा कष्टमुक्त झाली आहे आणि आता केवळ एक बटण दाबून मिळवता येते. व्हॉट्सॲपवरुन ग्राहकांना चॅटबॉटच्या मदतीने त्यांच्या प्रश्नांची त्वरित उत्तरे मिळतात. ह्या सेवेमार्फत सीएनजी स्थानके शोधणे, नव्या पीएनजी जोडणीची नोंदणी करणे, बिलिंगचे आणि पेमेंटचे तपशील मिळवणे, इ. सारखी इतर कामेही करता येतात.
नवी युझर फ्रेंडली वेबसाइट: एमजीएलची नवी वेबसाइट युझर फ्रेंडली (वापरायला सोपी) आहे, वेबसाइटवरील पर्याय सहज शोधता येतात कारण ही वेबसाइट सुटसुटीत आहे. अंतिम ग्राहकाला कंपनीसोबत संभाषण करण्यासाठी आवश्यक असणाऱ्या सर्व पैलुंचा, तिच्या सेवांचा आणि उत्पादनांचा त्यामध्ये समावेश करण्यात आला आहे. एमजीएलचे ग्राहक होमपेज वरच असलेल्या क्विक पेवर क्लिक करून त्यांचे पीएनजी बिल भरु शकतात, पीएनजी जोडणीसाठी नोंदणी करू शकतात, त्यांच्या बिलाची निर्मिती करू शकतात, त्यांची बिल्स पाहू शकतात, सीएनजी स्थानके शोधू शकतात आणि वापराचा अनुभव सुधारण्यासाठी आम्हाला प्रतिक्रियासुद्धा देऊ शकतात.
बदलते ग्राहक वर्तन विचारात घेऊन आम्ही आमचे डिजिटल मंच सशक्त करण्यावर भर देत आहोत आणि अशा सेवा सुरु करत आहोत ज्या बदलत्या काळाशी जुळवून घेत राहतील. सेल्फ-मीटर रीडिंग, ई-बिल्स, व्हॉट्सॲप चॅटबॉट सेवा आणि एक नवी, जास्त युझर फ्रेंडली वेबसाइट ह्या साऱ्या सुविधा आमच्या ग्राहकांचा सीएनजी किंवा पीएनजी वापरण्याचा अनुभव अखंडित ठेवण्यासाठी विकसित करण्यात आल्या आहेत, असे प्रतिपादन महानगर गॅस लिमिटेडचे व्यवस्थापकीय संचालक श्री. आशु सिंघल यांनी केले.
ही तर फक्त प्रवासाची सुरुवात आहे. ग्राहकांना सुरळीत आणि कटकटमुक्त अनुभव देण्यासाठी आम्ही असे अनेक उपक्रम राबवण्यास उत्सुक आहोत, असेही ते म्हणाले.
एमजीएलच्या व्हॉट्सॲप सेवा मिळवण्यासाठी, ग्राहक 9899203843 ह्या क्रमांकावर मेसेज करून संभाषण सुरु करु शकतात. एमजीएल तेज आता गूगल प्ले स्टोरवरुन डाऊनलोड करता येते, तर एमजीएल कनेक्ट आता गूगल प्ले स्टोर आणि ॲपल स्टोर दोघांवरही उपलब्ध आहे
Comments
Post a Comment