'बुलेट थाळी' संपवा आणि रॉयल एन्फिल्ड घेऊन जा! खाद्यप्रेमींना पुण्याच्या 'शिवराज' हॉटेलचे आव्हान

पुणे: नवीन वर्षामध्ये पुण्यातील एका हॉटेलने खाद्यप्रेमींना आणि बुलेट प्रेमींना एक आव्हान दिलंय. मुंबई-पुणे जुन्या हायवेलगत असणाऱ्या वडगाव जवळील 'शिवराज' हॉटेलने दिलेलं आव्हान ऐकल्यानंतर सर्वांचे डोळे विस्फारतील हे नक्की. 'बुलेट थाळी चॅलेंज' असे या आव्हानाचे नाव आहे. या हॉटेलची महाकाय 'बुलेट थाळी' संपवा आणि त्याबदल्यात एक नवी कोरी रॉयल एन्फिल्ड बुलेट घेऊन जा, अशा प्रकारचं आव्हान देण्यात आलं आहे.

या हॉटेलच्या दारात प्रत्येकी 1.70 लाख रुपयांच्या पाच नव्या कोऱ्या रॉयल एन्फिल्ड उभ्या असलेल्या दिसतात. शिवराज हॉटेलचे मालक अतुल वाईकर यांच्या डोक्यात ही कल्पना आली. लागोलाग त्यांनी याची अंमलबजावणी करत खाद्यप्रेमी आणि बुलेट प्रेमींना आव्हान दिलं.

शिवराज हॉटेलचे मालक अतुल वाईकर यांनी एबीपी माझा डिजिटलशी बोलताना सांगितलं की, ''ही बुलेट थाळी दोन आठवड्यापूर्वी सुरु करण्यात आली आहे. बुलेट थाळी एका व्यक्तीने एका तासाच्या आत संपवल्यास त्याला नवी कोरी रॉयल एन्फिल्ड भेट देण्यात येणार आहे."

Comments

Popular posts from this blog

कोल्हापूर फिल्म कंपनी 'विठ्ठल दर्शन' अभिनेते जितेंद्र जोशी सादरीकरण करणार

TIME Group & NH STUDIOZ