संगीताचं माप ओलांडणार 'जुई गडकरी'!
जुई गडकरी हिनं आपल्या सोज्ज्वळ अभिनयानं प्रेक्षकांच्या मनात हक्काचं स्थान निर्माण केलं आहे. आता ती प्रेक्षकांना एका नव्या भूमिकेत पाहायला मिळणार आहे. ती आता गायिकेच्या भूमिकेत पाहायला मिळणार आहे! जुईनं गायनाचं प्रशिक्षण घेतलं आहे आणि सोनी मराठीवर सुरू होणार्या 'सिंगिंग स्टार' या कार्यक्रमात जुईचं गानकौशल्य पाहायला मिळणार आहे.
'सिंगिंग स्टार' हा सोनी मराठी वाहिनीवरला गाण्यांचा पहिला स्पर्धात्मक कार्यक्रम अतिशय भव्यदिव्य स्वरूपात सादर होणार आहे. संगीतातले दिग्गज सलील कुलकर्णी, बेला शेंडे आणि अभिनेता-गायक प्रशांत दामले; हे या स्पर्धेचे परीक्षक आहेत आणि छोट्या पडद्यावरचा ग्लॅमरस चेहरा म्हणजेच ऋता दुर्गुळे या कार्यक्रमाचं सूत्रसंचलन करणार आहे.
मराठी सृष्टीतले तारे या कार्यक्रमात आपलं गानकौशल्य प्रेक्षकांसमोर सादर करणार आहेत. अभिनेता/अभिनेत्री आणि गायक अशा या जोड्या असणार आहेत.
'सिंगिंग स्टार' हा कार्यक्रम शुक्रवार-शनिवार रात्री ९ वा. सोनी मराठी वाहिनीवर प्रेक्षकांच्या भेटीला येणार आहे. हा कार्यक्रम म्हणजे रसिक प्रेक्षकांसाठी संगीताची मेजवानीच ठरणार आहे.
Comments
Post a Comment